ممكن كل واحد مننا يتخيل نفسه واقف على رقعة شطرنج كبيرة أوى
ممكن يتخيل نفسه عسكرى- طبية - وزير - حصان - فيل أو ملك يحكم ويأمر وينهى كما يشأ بس ميعرفش يعمل حاجة من غير اللى حوليه ولا ليه لزمة وهو واقف لوحده على الرقعة من غير عساكر يشخط فيهم ولا جيوش يحاربها. و دى حاله خاصة للملك
أما السائد
أنك تكون عسكرى زى عامل أو صنايعى فى الأمام بتحتك مباشرة بالمشاكل والازمات ولازم تعرف أنك مهم جدا سواء للملك يمارس سلطته عليك أو مهم جدا عشان تكمل عدد القطع عشان اللعبة تبدأ .....
ولكن فى قرارة نفسك لازم تحلم أنك تترقى وتبقى وزير ولا طبية ولا فيل على شرط تقطع الرقعه كلها من أسفلها لأعلاها عشان توصل ...
ممكن تكون واحد من الطبقة المتوسطة مهندس - دكتور - محامى -فنان فتتخيل نفسك مثلا حصان أو فيل ليك حرية عن العسكرى فى الحياة بالمجمل تتحرك من هنا لهنا ممكن تقطع الرقعة كلها فى كام خطوة ولكن ........
عمرك ما هتكون وزير ومش ممكن تترقى عشان دايما شايف نفسك أحسن من اللى حوليك , ممكن تترقى بس لو نزلت كام درجة وحسيت بالناس اللى أقل منك ساعتها ممكن تكون أى شئ تتمناه.
أما بالنسبة للطبقة الهاى( فاى باى) لازم تعرف أنك من غير كل اللى حوليك ملكش لزمه وعمرك ما تعرف تغلب
لو واقف على الرقعه لوحدك.
أهم حاجة قواعد اللعبة لازم تتنفذ وكلنا ميسرين لما خلقنا له
فلازم تعرف أنك بتعامل ربنا سبحانه وتعالى مش القطع اللى فاكر انك ممكن تهمل بعضها وتتقرب من بعضها عشان توصل أو تبقى هاى.
أهم حاجه تعرف مكانك على الرقعة ايه وناوي تحلم ولا هتخليك محلك سر او تعيش فى ضل الملك بتاعك .........
أهم حاجه تعرف مكانك على الرقعة ايه وناوي تحلم ولا هتخليك محلك سر او تعيش فى ضل الملك بتاعك .........
ليست هناك تعليقات:
إرسال تعليق