نعوش خشب ومزخرفه
فيها اصوات الملايين دي بتنتحر
واصوات التحرير باكية بتنتحب
مصر رايحه كلها عشان تنتخب
اصوات حناجر تلتهب
وفلوس زكايب ع الورق راح تحترق
محدش سأل فيكم شهيد
اذا كنش ناوى ينتخب
صوت الشهيد رافض لكم
ولهزلكم
صوت الشهيد عايز قصاص منكم..... لكم
صوت الشهيد
مبحوح من كتر الدموع اللي بتسقي في ارضكم
صوت الشهيد
فاتح جنان الحق فى الملكوت يطير وسطكم
صوت الشهيد
يشهد لكم ضيعتوا دمى بعندكم
محدش سال امي اديت صوتها لمين
لوفدكم وعدلكم ولا اخوان ولا سلف
ولا من البكا صوتها اتنبح
ومن الفراق جسدي اندبح
صوتها اتنبح من عندكم
صوتها اتقتل لما اتقتلت
صوتها أندفن مع الكفن
صوتها انعدم
صوت الشهيد رافض لكم ...... ولهزلكم
ليست هناك تعليقات:
إرسال تعليق