قاطــــــع

مش عشان الكل طاطي
تقبل انت كمان تطاطي
لو الكل ساب
خليك انت الوحيد اللى ماساب
خليك تماما عكس عجلة الانسياب
شد بكل قوه بأيديك ع اللجام
خليك همام
انغز برجلك ع الفرس
اضرب جرس
اصرخ مقاطع يمكن يحس اللى اتخرس
---------------
لو كله جرى ورا صندوق متلوث بدم
خليك انت ع المبدأ أهم
قاطـــــــــــــــــــــع
قبل ماتزيد المقاطع
قبل ما تولع زياده
قبل ما تروح للأعاده
عيد الثوره يمكن تنجح فى الاعاده
مصر محبوسه فى عياده
-----------------
قاطــــــــــــــع
قبل ما صوتك يولد شهيد
هيموت سعيد
وانت هتصبح عبد مخصى كما العبيد

18-4-2013