تمسك بالأمل

أرجوك تمسك بالأمل  /

اضرب صوابعك فى الرمال

شق الفضا

أروى بدمك فى القبور تتطرح رجال

اشهق دخان ......... وانفخ غضب 

انسج شيلان ........ واطرح حجارة م الميدان

بس أوعى تفقد الأمل /

طول مافيك النفس

اكتب امل

وارفع علم

وأشبع آلم

واشرب فى خل

بس ماتسيبش الأمل

الظلم ساكن فى الكراسى وفى الرتب

الكبر خلاهم كلاب وخلانا الغنم

7\11\2011    الملك سرحان

بدايه على ما قسم كده

رقعة الشطرنج

ممكن كل واحد مننا يتخيل نفسه واقف على رقعة شطرنج كبيرة أوى .......... الدنيا بتاعتنا دى

ممكن يتخيل نفسه ( عسكرى- طبية - وزير - حصان  - فيل ) أو ملك يحكم ويأمر وينهى كما يشأ بس

الملك ده ميعرفش يعمل أى حاجة من غير اللى حوليه ولا ليه لزمة وهو واقف لوحده على الرقعة من غير عساكر يشخط فيهم ولا جيوش يحاربها (و دى حاله خاصة للملك) .

أما السائد أنك تكون عسكرى زى عامل أو صنايعى فى الأمام بتحتك مباشرة بالمشاكل والازمات

ولازم تعرف أنك مهم جدا سواء للملك يمارس سلطته عليك أو مهم جدا عشان تكمل عدد القطع عشان اللعبة تبدأ . ولكن فى قرارة نفسك لازم تحلم أنك تترقى وتبقى وزير ولا طبية ولا فيل على شرط تقطع الرقعه كلها من أسفلها لأعلاها عشان توصل ...

ممكن تكون واحد من الطبقة المتوسطة (مهندس- دكتور -محامى -فنان ) فتتخيل نفسك مثلا حصان أو فيل ليك حرية عن العسكرى فى الحياة بالمجمل تتحرك من هنا لهنا ممكن تقطع الرقعة كلها فى كام خطوة ولكن

عمرك ما هتكون وزير  ومش ممكن تترقى عشان دايما شايف نفسك أحسن من اللى حوليك

ممكن تترقى فقط لو نزلت كام درجة وحسيت بالناس اللى أقل منك  (زى العسكرى )ساعتها ممكن تكون أى شئ تتمناه.

أما بالنسبة للطبقة الهاى (حاشية الملك) هم دايما فى الكواليس عشان كده ملهمش وجود ع الرقعه بس ممكن يكونوا فى اغلب الاوقات هم اللى بيحركوا الملك والطبقة دى  لازم تعرف أنها من غير كل اللى حوليك ملكش لزمه وعمرك ما تعرف تغلب لو واقف على الرقعه لوحدك .

أهم حاجة قواعد اللعبة لازم تتنفذ وكلنا ميسرين لما خلقنا له. العسكرى عسكرى والملك ملك فلازم تعرف أنك بتعامل ربنا سبحانه وتعالى مش القطع اللى فاكر انك ممكن تهمل بعضها وتتقرب من بعضها

عشان توصل أو تبقى هاى .

  -   العالى والغالى -  .........  عالى بمقامه وأحترامه لنفسه وللناس اللى حوليه بس مش عشان يعرف وزير ولا طبيه هاه هاه ........

من يلومون الضحية ويباركون السياف !!

عندما تتطور الاحداث يوما بعد يوم فى ثورة مصر تظهر ع السطح مشكلات مجتمعية وثقافية لم تكن لتظهر لولا الثورة فالحمد لله على ظهورها لعلنا نتطور.

عندما  لام الجميع ضحية الاتحادية المسحول على  مرأى ومسمع ملايين المصريين  وقالوا انه عرض نفسه لذلك فرمى بنفسه فى أماكن الخطر  فليتحمل مسئولية نفسه كما كان يقولون على ست البنات فى احدداث مجلس الوزراء ومن ذلك نرى اننا نلوم الضحية بدل من السياف الذى أعتدى عليها .

ولو فرضنا هذا المنطق فمثلا 
نعتب على الرسول (صلى) - بعد الاعتدا ء عليه فى الطائف بنفس المنطق لماذا ذهب الى هناك ولماذا عرض نفسه للتهلكه الم يكن يعلم وهو يوحى له من الله انه يمكن ان يتعرض للأعتداء .......
ونحمله هو كل الجرم ولكن حشا لله فهوله كل الحق فى ان يدعوا الى فكرته ورأيه. والحمد لله ان الرسول لم يفعل ذلك بل دافع عن فكرته فلولا ذلك ما لكان الدين الاسلامى ليصل حتى ابواب حدود مكة

شيزوفرنيا سياسيه دينيه

- ما أجمل ان يكون عنوان التدوينه بالشيزوفرنيه .. احساس بالتنافس مع  د/ احمد عكاشه - د/ ومنال عمر ولكن للأسف دى سخرية الواقع الوقح .
اعتقد ان التيار الاسلامى الذى يعلو السلطه الحاكمه بقضبيه الاخوان والسلف يمروا بأعراض هذا المرض السياسي بحيث يقولن اشياء و يفعلون العكس تماما سواء فى الدين او السياسه.
- فما أجمل الدعوة الى الحوار والنقاش (الوطنى) بين الرياسه والمعارضه الفعليه (جبهة الانقاذ) فى نفس وذات اللحظه التى يتم استدعاء كل رموز الجبهه للتحقيق معهم امام النائب العام (المعين) بتهمة محاولة قلب نظام الحكم .
- وما أجمل الدعوة الى التوصل لمواد (المختلف عليها ) فى ما يسمى دستور مصر فى غياب توافق عليه الى ما بعد انتخابات مجلس الشعب وماذا عن الصناديق وماذا عن ارادة الناخب الم يكن بالاحرى تعديلها قبل الاستفتاء.
- ما أوضح من ان تكون لجماعة الاخوان المسلمين وجهان حلمى الجزار (الكيوت) وعصام العريان (الشرس) حيث تلعب هى بالشعب الذى يتقمص دور ( العبيط) لتنال الجماعه كل شئ فى نفس الوقت . 
- ألم يكون اكثر من عضوا فى مكتب الارشاد بما فيهم محمد مرسى فى قداس رأس السنه العام الماضى وده أجابى فعلا وهذا العام تخرج فتوى بتحريم التعيد على الاقباط من ناس ايضا فى مكتب الارشاد . لا تتعجب احنا فى زمن العجايب !!!

- والسلفيين الذين تمسكوا طول عمرهم وخاصه فترة حكم مبارك بالدعوة والتى ابسطها أن تكون قدوة فى الاخلاق والرحمة. ولكن وعندما يتعرضون لمنافسيهم او خصومهم السياسيه يستخدمون ابشع الفاظ السباب والقذف وفى بيوت الله وكمان حمل السلاح ضد معارضيهم وكأن الرحمة أنتزعت من قلوبهم.
- ونائب رئيس الحركه السلفيه ياسر البرهامى الذى كان يدافع عن الدستور وجلس مع بعض القوى الوطنية الاخرى طوال 6 أشهر أكل معهم وشرب كالرفقاء وخرج أخيرا حديثه الى مشايخ السلفيه وهو يقول ان العلمانيين والنصارى لم يفطنوا الى ما عزموا هم عليه بليل وان شيخ الازهر سامحه الله كان يميل الى نصرة النصارى وانه رضخ له خوفا من العزل  !!!! وكأن الشيخ ياسر لم يحس ولو لوهلة انه أرتكب من المعاصى العظيم والخطير من النفاق والذم والغدر والنميمة . سبحان الله ليل نهار هو ومن على شاكلته يغنون ويعزفون على مكارم الاخلاق وهم أبعد ما يكونوا عنها ألم يعلم ان المسلم يفعل أعظم الذنوب ويظل مسلم الا الكذب . اللهم ارحمنا من نفوسنا الاماره بالسوء وارحمنا من الغرور والنفاق .

الخلاصة : هناك تصرفات واقوال متضادة سواء فى السياسة او فى مظاهر الدين والسبب الرئيسى هو (شهوة السلطة)