جى النهار

من قلب العتمة جي النهار

زى الأمل مابيتولد من الانكسار

فمها غابت شمسنا وسط الغبار

ومهما خضنا فى دمنا

جى الانتصار

زى ماهما مصممين على الغباء

لازم نصمم ع الضياء

زى مابيقتلوا روح الأمل

لازم نصمم ع البقاء

لازم نشد العزم .... منكلش

.. رجاء

جيا رايات النصر من بعد ما زفت شهيد

جيا الشمارخ تشجع تاني من جديد

جيا توصل البشرة لخالد سعيد

جي الشروق محمول على كتف الرفاقه

جيا السعادة

جيا الملايكة لجل ما توزع اعاشة

وفى كل مطرح سقط شهيد

بيزرعوا شجرة ميلاد

وفى كل ركن دَمُه فيه

بيحطوا ضى من الهلال

يابختنا 

وقفوا الملايكة فى صفنا

مشيوا صفوفهم ورا صفنا

نهتف وهم يردوا خلفنا

وعشان كده

لازم نصمم ع البقاء

لازم نشد العزم .... منكلش

.. رجاء

13-1-2014

يعيش اهل بلدى

يعيش اهل بلدى .. 

يعيش يعيش يعيش

يعيش المناضل ويا الحرامي 

ويا الشاويش

يعيش يعيش يعيش

يعيش التحالف وغيره مافيش

تحالف مصالح وصالح فى طالح

و دقن التخلف فى طربة حشيش

يعيش اهل بلدي

يعيش يعيش يعيش

يعيش اللى قاتل جنب الشهيد

مطلع لسانه  مِحمر فى عينه لام الشهيد

بيضرب تمام ويجلد كمان

ولما الدقون يشدوا اللجام ويجروا عليه

يدور علينا 

ويخذق عنينا 

ويحبس كمان

ماهو احنا اللى ممكن 

يفرد علينا أمام المدام

شوفى حبيبتي دول العيال

اللى هتفوا ضدنا يوم فى ميدان

هطلع عينهم 

واطلع عليهم حقد الزمان

يعيش اهل بلدى

يعيش يعيش يعيش

يعيش المحامي 

طالع مِكوش نازل سعيد

يعيش اللى حامي بتوع الحديد

يعيش اللى طالب بدم الشهيد

ووقت المرافعة منفض لدمه

وعامل كفيف

يعيش اللى ضحى بِإجرهُ وسعيد

لان المرافعه اصلا مفيش

مرافعة بروفة عشان الخفيف

ياخد براءة ويطلع يعيش

ويمكن يحاول يرجع رئيس

يعيش اهل بلدي 

يعيش يعيش يعيش

يعيش السياسي

اللى الكراسي 

بتلعب فى عبه فعامل عبيط

بيلعب بشعبه وشعبه سعيد

بيدفع رشاوي عشان التحالف

يكمل يعيش 

يعيش اهل بلدى 

يعيش يعيش يعيش

يعيش المثقف مترب معفر

تجيله تقرب وتطلب مساعدة

يقولك ليلاتي بقدم حياتي 

وبشرح ظنوني 

فى كتيب صغير واسمه "مفيش"

مفيش حد فاهم سعادة المثقف

اللى ليلاتي ينظر فى اهلى 

ويفضل يبرطم ويُشخط ويُنطر

ووقت المحطة ماتطلب سعادته

يطلع يِمجد فى فخامة الرئيس

يعيش اهل بلدى وبينهم مفيش

تواصل يخلى الصغير يعيش

يعيش اهل بلدى 

يعيش يعيش يعيش

يعيش الشباب اللى متغربين

مابين القهاوى و مابين الروتين

يعيش كل واحد لوحده ومفيش

تواصل يخلى الثورة تعيش

لان التواصل مفاصل مفاصل

ومفصل مكسر ومفصل عميل

ومفصل مكلبش قافش محجر 

لدم الشهيد

ومفصل مطرمخ لخارطة طريق

دا حتى المظاهرة بقت كخ عيب

فامتى التواصل هيقدر يعيش

يعيش اللى قنن وصرح وصدق

يعيش اللى موت شبابنا فطيس

يعيش اللى كبر فى كلب الحراسة

و بطن الوزير

يعيش اهل بلدى 

يعيش يعيش يعيش

يعيش اللى صابر 

فى نمت المقابر

بيحلم فى نومه بطعم الرغيف

يعيش اهل بلدى 

يعيش يعيش يعيش

يعيش اللى خطط 

وهندس وظبط

وسجل مكالمة وجاب الشريط

يعيش العبيط

يعيش اللى هرتل فاصبح مرتل

يعيش اللى طرمخ فاصبح مذيع

يعيش اللى دلس

لاجل العبيد 

يعيش اهل بلدى

يعيش يعيش يعيش

يعيش الألاتى ويا الفلاتى ويا العبيط

يعيش الى غنى ولحن وصور

تعيش الايادى واحنا مفيش

يعيش اللى خلى شبابنا مكسل

يكمل مطالبة بدم الشهيد

يعيش يعيش يعيش

يعيش اهل بلدى

وبرغم اللى فات

لسه الصراحة بنقدر نعيش

يعيش التحالف وغيره مفيش

لان التحالف تكاتف تكاتف

فيه المكاتب وفيه الكراسي

وفيه المحاكم ويا البوليس

ضد اللى دقنه بتطرح عبيد

وبين دول ودول 

دم الشهيد

هتقدر تطالب ولا تنادي

ياما تقرب وتصبح معانا

ياما هتندم  وتسجن هُنالك

وهُنالك مهالك مهالك 

فحكم فى عقلك

واركب معانا

يأما هتُضرب بطلق المعارك

يعيش اهل بلدى 

يعيش يعيش يعيش

يعيش اللى سُطلوا

بدون الحشيش

يعيش اهل بلدى 

اللى كل همه

مجرد يعيش 

التسليك قبل الفتح

الجملة الشهيرة من فيلم الكيف" التسليك قبل الفتح" ... اخترت هذا العنوان الصادم او الخارج  ولكن للاسف هو ما يعبر عن المرحلة بكل صدق ... 

ما ينهال علينا من الاعلامي الغير مهني  على عبد الرحيم من تسريبات تكاد تكون شبه يوميه من تسجيلات النشطاء ما هو الا بكل وضوح مرحلة التسليك والتمهيد للانقضاض الكامل على الثورة او من تبقى منها واقصد من ذلك الانقضاض على اشخاص كانوا او ربما لا يزالون يمثلون الثورة فى مرحلة من المراحل وبعدها يبدأو فى عملية نكران تام لهذه الثورة لان الموضوع بالظبط زى الهندسة فى اعداى بما ان ... اذا  كالنظريات 

بما أن .... ماهر والنجار واسماء ومحفوظ ... الخ  كانوا من ضمن الرموز الشبابية التي ظهرت فى الثورة

بما أن ..... ماهر وهؤلاء الشخصيات ممولين من الخارج ولهم ملفات فى امن الدولة وبيعتبروها فضايح وخايفيين منها

وبما أن ..... هؤلاء الاشخاص كلهم كده ملوثين وعملاء

وبما ان ..... هؤلاء من الرموز والمحسوبين ع الثورة 

أذا 25 يناير ليست ثورة  بل هى نتاج تخابر اجهزة الدول الغربية ومكيدة مدبرة لاسقاط نظام مبارك الشريف العفيف والوطني الذى طالما حارب الاخوان على طول عمره ولم يزد من أموالهم ولا نشاطهم السياسي تحت انف اجهزته الأمنية والاعلامية وفى ساحة الفناء الخلفى لحزبه (هو او البديل الأخوان الفوضوية)

اذا نظام مبارك صح !!!!

اذا الطريق خالى لاى شخص من اتباعه للعودة مرة اخري لاعتلاء رقاب المصريين.

مما سبق يؤكد اننا فى مرحلة التسليك التى يشنها اجهزة امنية مع اعلام مضل وضال من اجل تأكيد وجهة النظر التى تروج ان كل من كان له دخل فى هذه الثورة خاين وممول . لحين البدء فى مرحلة النفخ أقصد الفتح .

ولكن اليست اكبر أجهزة فى الدولة تتلقى منحات وتمويل غربي اليس مل ما يأتي للجمعيات الاهلية والمدنية يمر عبر المنفذ الرسمي للدولة وبعلمها ...

هل تتحمل الثورة واقصد هنا الملايين ممن نزلوا لشعارات امنوا بها هل لهم ان يتحملوا خطايا او مراهقات مكالمات تليفونية لبعض ممن يحسبون او كانوا يحسبون ع الثورة.

اليست الاجهزة الأمنية التي تسرب او تسمح  بترويج مكالمات تليفونية تم تسجليها بالمخالفة لكل الاعراف الدولية تقدم بلاغ ادانه عن نفسها ...

لماذا دائما ما يستهين اصحاب الشعر الأبيض بالشباب ..... لا تستهينوا بعقولنا نحن لم ننزل من اجل اسماء او ماهر او دومة بل نزلنا من اجل مصر ومن اجل مستقبل جديد ...

لا تستهينوا بعقولنا .. لعنكم الله

ولنجهز انفسنا جميعا لما بعد التسليك وهو الفتح ... 

كوميكس اخر 2013

استهبال 

تسريبات عبدالرحيم على 

إخـــــــوة يوسف

السياسة كانت ومازالت حتى يومنا هذا لعبة غير رياضية وغير شريفة بالمرة ’ وكل ما نشهده على الساحة السياسية يؤكد ذلك باستمرار.

لا مكان فى الساحة السياسية لرجال تحترم المبادئ أو رجال لا تستطيع التخلى عن أهداف ناضلت من أجلها عقود وأزمنة إلا ما رحم ربي .. للأسف كل من يبقى ع الساحة هم كالحرباء التى تستطيع أن تتكيف مع الوضع الراهن ومع المعطيات الموجودة فى مضمار العدو الذي يكون نهايتة إما كرسى رئاسي أو وزاري أو لأصحاب الأحلام البسيطة كرسي بالبرلمان الذى عادة ما يستخدم لتسهيل البيزنز أو ليكون باب أخر لسيادة النائب كى يطل علينا فى مرحلة أخرى.

الحكومة الحالية " حكومة الببلاوي" تضم عدة  رموز طالما نادت بمبادئ مثل حقوق الأنسان وشعارات ثورة يناير ولكنها فى لحظة تخلت عن مبادئها للحفاظ على منصب مؤقت وهكذا سقطوا...

مثل هذه المواقف لا تنسى من تاريخ الثورة ومهما مرت السنون فلن تمحى من عقول انصارها ولكنهم يراهنون على النسيان , أما تعديلات لجنة الخمسين الأخيرة على مشروع الدستور الجديد فهى البرهان والدليل فلقد كشفت لنا حقيقة معظم أعضاء اللجنة  الذين كانوا يحسبون للأسف على الثورة بالخطأ فهم أول ما فعلوه فى اول اختبار لهم هو الفشل فلقد تنصلوا من التزمات الثورة وشعاراتها التى مات من أجلها العديد لكى يجلسوا هم هذه الجلسات وما أن جلسوا حتى تناسوا ذلك , كل من صوت على تعديلات محاكمات المدنيين عسكريا بنعم ما هو إلا خائن أو منافق أو أنتهازي  أو أى شئ أخر ماعدا أن يكون محسوب ع الثورة انهم من أنضموا للثورة المضادة فى مرحلة فارقة فى تاريخ الوطن.

هؤلاء هم من خرجوا علينا فى مشهد مهيب أمام الكاميرات والشاشات ليدافعوا عن معتقلى مجلس الشورى وعن حقهم فى الأعتراض على قانون التظاهر ومادة المحاكمات العسكرية وكأنهمم نسوا أو تناسوا أنهم من صوتوا بنعم على هذه المادة الكريهة مثلهم مثل إخوة يوسف رموه فى البئر وخرجوا الى أباهم عشاءاً يبكون وقالوا أن أخانا قد أكلة الذئب ...

مما سبق يتضح لك أيها القارئ الجليل أنه سوف يمر على مصر سياسيون كثر وكل واحد منهم يحمل جعبة من الوعود والمواثيق ولكن للأسف لن يصدق معك منهم الا القليل .

أرى ان مشكلة النفاق السياسي تلك هي عرض لمرض متفشى فى الجيل الحالى من السياسين الذى ليس له قدرة على الخيال فهو يتبع نفس النمط القديم ليس هناك ابتكار حتى فى الخداع او الخبث السياسي أما الأمل كل الأمل فى الشباب الذى سوف يبهرهم بشتى أنواع الأبداع والخيال فالثورة لا تكذب ولا تتجمل ولا تنافق ممكن أن تهدأ ساعات كى تفور كالبركان من جديد فأحذروا الطوفان القادم أيها السادة السياسيون أنكم سقطتم كما سقط من سبقكم .... 

فلتذهبوا غير مأسوفٍ عليكم .