أرض العبيد

مفيش جديد
تحت شمس بتشرق ع العبيد
منيش سعيد
الفرح فى بلادنا زهيد
ومن غير ما أعيد وأزيد
نفسي أختارلي وطن جديد
وطن بعيد
وطن بعيد عن النفاق
وعن الولولة وعن العديد
وطن بيدى كرامة
زي ما بياخد شهيد

خرصاء

من بعد أن عاد اللئام
جميعهم أصبح نيام
كل العبيد تثائبت حتى تنام
رفعت كلتا يديها
وجدفت نحو الظلام
ابحرت وترجلت فوق الخراب
وبين اطلال الضباب
من الجهالة .... تيممت
ومن كل اسباب التعقل فى الجسد ...
تحللت
تبرجت طوعا وادبرت
ثم طافت بالكذب
شوطا واخر واكملت سبعاً عدد
ثم اقبلت على اللهب
فتباركت بالنار وبالطفل المسجي على الدماء
وارتدت ثوب الغنم
وتعلمت الا تتمتم بالكلام
خرصاء تجلس على ركبتيها القرفصاء
تشكر السيد على سيل العطاء
على الفتات
وعلى ما تساقط فى المساء
خرصاء
تعلمت الا تتمتم بالكلام
فباتت نيام

وطنى امرآة

أم تطوق للقاء وللعناق

أم تحن الى الصغار

فتثــــتثــــار

أنثى تغــــار

أنثى يُجملها الوقار

ويعلو راسها اكليل غار

انثى تحن الى الرجل

حتى ولو ترك الديار

حتى ولو مات النهار

تغدوا الوفية الارملة بين القفار

أم وزوجه وأرملة 

وابنت ابيها المترفه بكر البكار

وطنى امراءة

أنا الكافر أنا الملحد

أنا الكافر أنا الملحد

أنا الكافر بأفكاركم

أنا اللى ألحد بتضليلكم

أنا اللى أتظلم بينكم

أنا المشنوق بإرهابكم

أنا الخاين لأحلامكم

مدام أحلامكم فلوس تنداس

لافي كرامة ولا أحساس

أنا الوسواس

أنا الخاين .. أنا أنسان

ومدام اللى كتب التاريخ دلاس

أنا الوسواس .. أنا الخناس

أنا كل الشرور فى الأرض

أنا اللي كل بلوة ترموها عليه

أنا اللي الثورة هتخلص عليه

أنا المفروض أكون مستقبل بقيت ماضي

مليش عازه وبقيت فاضي

انا شماعة لجيل سادي

أنا لا أخترت ولا أتخيرت

أنا مولود هنا .. لكنى كفرت

كفرت بصمت ..

كفرت ببلدي وأتحيرت 

أعيش فيها ذليل متهان

ولا اآمن لكل جبان

لكني أخترت أستنظر

طلوع الفجر من العتمة

خروج العبد من الضلمة

شروق للثورة من تاني

عشان نكتب تاريخ غالي

ونلم اللى وقع من تاريخنا الأولاني

‫

#‏يسري_مصطفى‬ 26/8/2014

Like

مصر الحزينة

مصر ياما يا بهية

ياأم شمعة وبطارية

الزمن فات وانت قاعدة

مابين عشا ومغربية

مصر يااما يا سفينة

تايهة وسط العتمة بينا

مفيش منارة ع الطريق

ولا حتى مركب جي لينا

وكأن ده يوم العزا

لكل القتلى فى الثورة النبيلة

مصر ياأما ياحزينة

شال السواد سارح ع المدينة

مفيش سولار

والعيشة نار

ومفيش كهربا والجو حار

والفاكهة بقت زى الدهب

معروضه للفرجه مش للي أشتهى

ومفيش حد بيشتكي

كله بيبلع الكلام قبل ما يبتدي

الشعب اللى أتربي ع السكات

عمره ما هيفوق من الخرص

راضى ومطاطى للسواق المبرشم

مبيعرفش يسوق

بس يعرف يكلكس